सुन्दर सुदुर पश्चिम, सम्बृद्ध सुदुर पश्चिम

टीकापुरमा बस दुर्घटना २० घाइते 

टीकापुर, २२ साउन

धनगढीबाट टीकापुरतर्फ आउँदै गरेको ना३ ख ८८८३ नम्बरको यात्रुबाहक बस कैलालीको दुर्गौली गाउँ विकास समिति वडा नं. २ भगतपुरमा अहिले केहीवेर अघि दुर्घटना भएको छ । बस दुर्घटना हुँदा ३ जना गम्भीर घाइते भएका छन् भने १७ जना सामान्य घाइते भएका छन् । इलाका प्रहरी कार्यालय टीकापुरका अनुसार घाइतेमध्ये चुहाका कमल खड्का, टीकापुर नगरपालिका वडा नं. ४ अस्नेहरीका रेश्मा शाही र गंगा शाहीको अवस्था गम्भीर रहेको छ । खड्काको डाढमा चोट लागेको छ भने र शाहीको टाउकोमा चोट लागेको छ । खड्का र शाहीद्वयलाई टीकापुर अस्पतालले नेपालगञ्ज रेफर गरेको छ भने अन्यको टीकापुर अस्पतालमा उपचार भइरहेको छ । टीकापुर अस्पतालका अनुसार घाइते हुनेमा लम्की–चुहा नगरपालिका वडा नं. ३ वर्षीया रेशब पोखरेल, टीकापुर नगरपालिका वडा नं. ४ का सोवित शाही, वडा नं. ७ का मनसरा पाण्डे, वडा नं. ३ की शान्ता सिंह, पथरैया गाविस वडा नं. १ की सरस्वती पाण्डे, विष्णुदेवी चौधरी, वडा नं. ४ का अर्जुन थापा, विष्णा शाही, वडा नं. ४ का लक्ष्मी न्यौपाने, गंगाराम न्यौपाने, लम्की–चुहा नगरपालिका वडा नं. ७ का उज्जली सार्की, धनसरा सार्की, वडा नं. ६ मनिराम भुसाल, मनिराम भट्टराई, वडा नं. ३ का भीम राना, वडा नं. ५ का देवकला जैशी रहेका छन् । त्यस्तै धनगढी नगरपालिका वडा नं. ४ का रामसिंह ठगुन्ना पनि घाइते भएका छन् । ट्राफिक प्रहरीका अनुसार सडकमै बस अचानक पल्टिएको थियो । बसका चालकलाई प्रहरीले नियन्त्रणमा लिएको छ । सडकको किनारमा स्कुल बस रोकिएको अवस्थामा साइडबाट क्रस हुनेक्रममा बस पल्टिएको थियो ।

-