सुवास नेम्वाङलार्इ कुट्न जाँदा अाफैं थचक्क (फोटो फिचर)

६ माघ, काठमाडौं । तस्वीरमा देखिएका एक सभासदले जुत्ता फुकालेर मोजा लगाएका छन् । उनी सभाध्यक्ष सुवास नेम्वाङको कार्य कक्षतिर उक्लने प्रयासमा छन् ।

संविधानसभा अध्यक्षमथि नै आक्रमण गर्ने प्रयास स्वरुप उनी बुरुक उफ्रिएर सभाध्यक्षको आसनतिर हान्निए । केहीबेरको प्रयासमा उनी माथि उक्लन्छन् । तर, मर्यादा पालकबाट भुईमै थेच्चारिन बाध्य हुन्छन् ।

उसो त लेखा समितिका सभापति एवं पूर्वमन्त्री जनार्दन शर्मा प्रभाकरसहितका केही सभासद पनि मर्दायापालकसँग जोरी खोज्दैथिए ।

धकेलाधकेलहुँदा प्रभाकरले मर्यादापालकले कोटमा समाएपछि उनले पख्लास् भन्ने शैलीमा औला ठड्याए । माओवादी सभासहरुले बुरुक्क उफि्रएर सभाध्यक्षको आसनतर्फ जाान खोज्दा मर्यादापालक भने दुई हात जोडेर नगर्नुस् भनिरहेका थिए ।

पुरुष सभासदजस्तै महिला सभासदले पनि मध्यरातमा संविधानसभाभित्र ‘बहादुरी’ देखाउने असफल प्रयास गरिन् । सेतो कोट र पाइन्टमा सजिएकी यी सभासद पनि यसरी उचालिइन् र थेच्चारिइन् ।

उनले बैठकको प्रत्यक्ष प्रशारणका लागि प्रयोग भएको टीभी क्यामरा खोस्न प्रयास गरेकी थिइन् ।

Source: Onlinekhabar