Tuesday, March 3, 2015

महाकाली नदी बीचमा अपलत्र परेका ३६ जनाको उद्दार

8:10 PM    No comments

Mahakali-ma-uddar
दीपक उपाध्याय
१९ फागुन, कैलाली । महाकाली नदीको बीच भागमा रहेको टापूमा अलपत्र परेका ३६ जनालाई मंगलबार उद्धार गरिएको छ । बालुवा र गिट्टी संकलन गर्न नदीको बीचको टापूमा पुगेका उनीहरु पानीको बहाव बढेपछि त्यहाँ फसेका थिए ।
भीमदत्त नगरपालिका ऐरीघाट क्षेत्रमा महाकाली नदीको बीच टापूमा फसेका बालबालिकासहित ३६ जनाको सकुशल उद्धार गरिएको नेपाली सेनाको महेन्द्रनगरस्थित हनुमानध्वज गुल्मका गुल्मपति सेनानी डम्बरबहादुर आलेमगरले जानकारी दिए ।
सशस्त्र प्रहरी र सेनाको टोलीले डुंगाको सहारामा उनीहरुलाई उद्धार गरेको हो । तीन दिन लगातार परेको वर्षाका कारण महाकाली नदीमा पानीको बहाव बढेपछि महाकाली नदीको बीच टापूमा अलपत्र परेका हुन् ।
कञ्चनपुरका प्रमुख जिल्ला अधिकारी कृष्णचन्द्र घिमिरेका अनुसार महाकाली नदी किनारको टापूमा गएर बालुवा, ढुंगा र गिट्टी संकलन गर्न उनीहरु त्यहीँ छाप्रा बनाएर काम गर्दै आएका थिए ।
source: onlinekhabar

0 comments:

Post a Comment

यहाँहरूको खबर समयमै पुर्याउने हाम्रो जमर्को । ताजा खबरहरू, सुचनाहरू तथा साहित्यिक रचनाहरूका लागि । अनि यहाँहरूको वरपरका घटना तथा सूचनाहरूलार्इ www.sundarsudurpaschim.org सम्म पुर्याउन ganeshpandey@sundarsudurpaschim.org प्रयोग गर्न सक्नुहुनेछ ।