मनहेरा खोलामा डुबेर तिन बालिकाको ज्यान गयो

अत्तरिया ३ वैशाख

कैलालीको अत्तरिया स्थित मनहेरा खोलामा डुबेर तिन बालिकाको ज्यान गएको छ । आज दिउसोे खोलामा नुहाउने क्रममा डुबेर बालिकाको ज्यान गएको हो । 

अत्तरिया नगरपालिका १३ मा रहेको मनहेरा खोलामा डुबेर स्थानिय गोरे गिरीकि १३ वर्षिया छोरि करिश्मा गिरी, बझाङ बढिमालिका घर भई हाल धनगढी बस्दै आउनुभएका नेपाल प्रहरीमा कार्यरत रमेश नाथकि १२ वर्षिया छोरि अष्मिता नाथ र ८ वर्षिया अनिषा नाथको डुबेर ज्यान गएको ईलाका प्रहरी कार्यालय मालाखेतीका प्रहरी प्रमुख तथा प्रहरी निरिक्षक कुलदिप चन्दले जानकारि दिनुभयो । 

उहाका अनुसार आफ्नो फुफुको घर आउनुभएका रमेश संगै हिजो उहाका छोरीहरु अष्मिता र अनिषा समेत अत्तरिया आएका थिए । आज दिउसो घरमा अरु कोहि नभएको बेला तिनै जना बालिकाहरु खेल्दाखेल्दै घर नजिककै छेउमा रहेको खोलामा नुहाउने क्रममा डुबेको स्थानियबासीले देखेपछि प्रहरीलाई खबर गरेका थिए । 

खबर पाउने बित्तिकै ईलाका प्रहरी कार्यालय मालाखेती र औद्योगिक सुरक्षा बल अत्तरिया बाट घटनास्थलमा पुगेको प्रहरी टोलीले बालिकाहरुको शब निकालेको थियो । तिनै जना बालिकाको शब पोष्टमार्टमका लागि सेति अंचल अस्पतालमा राखिएको छ ।