सुदूरपश्चिमाञ्चल औद्योगिक व्यापार मेला

कञ्चनपुर उद्योग वाणिज्य संघ कञ्चनपुरले आयोजना गर्न गइरहेको सुदूरपश्चिमाञ्चल औद्योगिक व्यापार मेला तथा कञ्चनपुर पर्यटन महोत्सवमा यसवर्ष टिकटमा मोटरसाइकल उपहार योजना राखिएको छ ।

        विगतका वर्षहरु भन्दा केहि फरक बनाउने उद्देश्यले दर्शकहरुले खरिद गर्ने टिकटमा उपहार कुपन अन्र्तगत मोटरसाइकल राखिएको टिकट व्यवस्थापन समितिका अध्यक्ष एवम् कञ्चनपुर उद्योग वाणिज्य संघका कोषाध्यक्ष भरतबहादुर रोकायाले जानकारी दिनुभयो ।     दर्शकहरुले खरिद गर्ने टिकटमा यसवर्ष बजाज कम्पनीको डिस्कभर टि १०० मोटरसाइकल उपहार स्वरुप राखिएको छ । यो उपहार कार्यक्रमका लागि गोल्छा कम्पनीले पचास प्रतिशत सहयोग प्रदान गरेको र पचास प्रतिशत कञ्चनपुर उद्योग वाणिज्य संघ आफैले लगानी गर्न लागेको हो । दर्शकहरुले आफुले खरिद गर्ने टिकट सुरक्षित राख्नुपर्ने छ ।