डुबेर शिक्षकको मृत्यु

धनगढी, फागुन २७ - नेपाल भारत सीमा क्षेत्र हुँदै बग्ने धनगढीको मोहना नदीमा डुबेर आज स्थानीय एक शिक्षकको मृत्यु भएको छ। प्रहरीका अनुसार सुदूरपश्चिमाञ्चल उच्च माध्यमिक विद्यालय (एसपिए) धनगढीका शिक्षक २९ वर्षीय वीरेन्द्र विष्टको नदीमा डुबेर मृत्यु भएको हो। मृतक विष्टको स्थायी ठेगाना कञ्चनपुरको भुजेला हो।

एसपिए क्याम्पस र धनगढी क्रिकेट एकेडेमीद्वारा मोहना नदी छेउको मैदानमा आजदेखि क्रिकेट प्रतियोगिता सुरु भएकामा क्रिकेट खेल सकिएपछि नदीमा नुहाउन गएका विष्टको पौडी खेल्ने क्रममा अचानक घाँटीमा चोट लागेपछि मृत्यु भएको थियो। रासस