Sunday, March 2, 2014

कैलालीको मोहना नदीमा डुंगा डुब्दा ४ जनाको मृत्यु, ८ बेपत्ता

8:50 PM    No comments

कैलालीको मोहना नदीमा डुंगा डुब्दा चार जनाको मृत्यु 

भएको छ । आठ जना अझै हराइरहेका छन् ।

नेपाल–भारत सीमामा रहेको मोहना नदीमा १७ फागुन साँझ डुंगा डुबेको हो । भारतीय सीमाबाट नेपाल आउँदै गरेकाहरु चढेको डुंगा कैलालीको लालबोझी गाविस–२ चर्रामा डुबेको हो ।
डुंगामा २० जना जति सवार रहेको स्थानीयबासिन्दाले बताएका छन् । दुर्घटनामा ४ जनाको मृत्यु भएको छ ।
मृत्यु हुनेमा लालबोझी–१ का ८ वर्षीय बालक सन्दिप चौधरी र १ वर्षीय बालक सलिम अली, लालबोझी–३ का ४५ वर्षीया फूलमती अली र ३५ वर्षीया लालमती लोहिया छन् । दुर्घटनामा परेका ८ जनाको भने स्थानीयबासिन्दाले उद्दार गरेका छन् ।
दुर्घटनामा अझै ८ जना हराइरहेको जिल्ला प्रहरी कार्यालय कैलालीका एसपी मोहनराज जोशीले जानकारी दिए । स्थानीयबासिन्दाको सहयोगमा नेपाल प्रहरी, सशस्त्र प्रहरी बल र भारतीय सीमा सुरक्षा बली )एसएसबी)ले खोजि कार्य गरिरहेका छन् ।
दुर्घटनास्थल सदरमुकाम धनगढीबाट झण्डै ८० किलोमिटर टाढा पर्छ ।
बच्चु विक, धनगढी

0 comments:

Post a Comment

यहाँहरूको खबर समयमै पुर्याउने हाम्रो जमर्को । ताजा खबरहरू, सुचनाहरू तथा साहित्यिक रचनाहरूका लागि । अनि यहाँहरूको वरपरका घटना तथा सूचनाहरूलार्इ www.sundarsudurpaschim.org सम्म पुर्याउन ganeshpandey@sundarsudurpaschim.org प्रयोग गर्न सक्नुहुनेछ ।