एनपीएलमा सगरमाथाद्वारा बिसाल वारियर्स पराजित

३१ बैशाख, धनगढीमा बुधबारदेखि सुरु भएको नेपाल पि्रमियर लिग क्रिकेट एनपीएलमा सागरमाथा लेजेन्ड्सले विजयी सुरुवात गरेको छ ।

उद्घाटन खेलमा विनोद भण्डारीको कप्तानीमा रहेको सागरमाथा लेजेन्ड्सले पारस खड्का नेतृत्वको बिसाल ग्रुप वारियर्सलाई १०७ रनको फराकिलो अन्तरले पराजित गरेको छ ।

सागरमाथाले प्रस्तुत गरेको २ सय ४३ रनको लक्ष्य पछ्याएको बिसाल वारियर्स ३४ औं ओभरमा १३५ सय रन जोड्दा अल आउट भयो ।

यसअघि पहिले व्याटिङ थालेको सागरमाथा लेजेन्ड्सले ४९.२ ओभरमा सबै विकेट गुमाएर २ सय ४२ रन बनाएको थियो । उसका लागि कप्तान विनोद भण्डारीले सर्वाधिक ९८ रन बनाए । ७१ बलको सामना गरेका उनले ९ चौका र ४ छक्का हानेका थिए । दिलिपनाथले ३० रन बनाए भने रुपेश श्रीवास्तवले १६ र राहुल विकले १५ रन जोडे ।

बिसाल ग्रुप वारियर्सका रामनरेश गिरीले ३ तथा यज्ञमान कुमाल र सुसन भारीले समान २-२ विकेट लिए । पारस खड्काले एक विकेट लिए ।