एसपीए कपको लागि तयार धनगढी

यज्ञराज जोशी
धनगढी, माघ १४ गते

सर्बाधिक धन राशीको प्रतियोगिता होटल डिभोटी एसपीए कप २०१५ को तयारी पुरा भएको छ ।
आयोजक सुदुरपश्चिम एकेडेमीले बुधबार धनगढीमा आयोजना गरेको पत्रकार सम्मेलनमा सो कुराको जानकारी गराएको हो ।

प्रतियोगिताको उद्घाटन माघ १६ गते, शुक्रबार विहान ९ बजे धनगढी स्थित अञ्चल प्रहरी कार्यालयमा हुनेछ। सम्मेलनमा प्रतियोगिता निर्देशक सुबास शाहीले उद्घाटन भब्य हुने गर्ने तयारी भएको जानकारी दिनुभएको थियो ।

प्रतियोगिताको उद्घाटन सिचाईमन्त्री एनपी साउँदले गर्नेछन ।

आयोजना स्थलमा तयार पारिएको गेट l ( फोटो – यज्ञराज जोशी )

रास्ट्रिय क्रिकेट टिमका मुख्य प्रशिक्षक पुबुदु दासाणायके पनि प्रतियोगिता अवलोकन गर्न विहीबार धनगढी आईपुग्ने सम्मेलनमा जानकारी गराईएको थियो l

प्रतियोगिता आयोजना हुने अञ्चल प्रहरी कार्यालयको मैदान झकिभकाउ पारिएको छ भने पीच निर्माण सकिएको आयोजकले जानकारी गराएका थिए । आयोजना स्थलमा खेलाडीहरु, टेक्निकल टीम तथा अतिथीहरु धनगढी आईपुग्न थालीसकेका छन् ।

प्रतियोगिताको उद्घाटन खेल खेल्ने टोलीहरु पेन्टागन ईन्टरनेशनल कलेज काठमाण्डौ र महेन्द्र नमुना उमावी डडेल्धुराको टोली भोली (विहीबार) धनगढी पुग्ने कार्यक्रम रहेको छ । टीमका लागि आवश्यक आवास तथा खानाको प्रबन्ध भईसकेको आयोजकले जानकारी गराएको थियो ।

देशभरि बाट १६ टीमको सहभागिता रहेको प्रतियोगितामा विजेता टीमले ५ लाख तथा उपविजेताले २ लाख नगद हात पार्नेछन ।