शाहरुखले भने-काठमाडौंमा पाएको मायाबाट उत्साहित छु (भिडियो र फोटो फिचरसहित)

२५ फागुन, काठमाडौं । बलिउडका चर्चित अभिनेता शाहरुख खानले काठमाडौंमा पाएको मायाबाट आफू निकै उत्साहित रहेको बताएका छन् ।

किङ खान सोमबार दिउँसो निजी विमान चढेर काठमाडौं आइपुगेका हुन् । काठमाडौंमा उत्रिएको केही घण्टापछि उनी हायात होटलमा केहीबेरका लागि सञ्चारकर्मीहरुमाझ उपस्थित भए ।

उनले यो आफ्नो दोस्रो नेपाल भ्रमण भएको बताए । साथै उनले पूर्व निर्धारित समय हिजो आउन नसकेकोमा माफी समेत मागेका छन् ।

उनले भने-काठमाडौंमा मैले जुन मायाँ पाएको छु, त्यसले म उत्साहित छु ।’

भिडियो हेर्नुस्-

खान काठमाडौं आउन थाहा पाएर विमानस्थलसम्म समर्थकहरु पुगेका थिए ।

उनले केही समय बस्ने गरी श्रीमती र परिवारका सदस्यहरुसहित काठमाडौं आउने बाचा समेत गरेका छन् ।

काठमाडौं ओर्लिए लगतै शाहरुखले ट्वीट गर्दै आफू केही वर्षअघि नेपाल आएको र अहिले आउँदा सुखद अनुभूति भएको उल्लेख गरेका छन् ।

न्यारोल्याक पेन्ट्सको कार्यक्रममा सहभागी हुन शाहरुख नेपाल आएका हुन् । शाहरुख आज काठमाडौंमा बस्नेछन् ।

 

तस्वीरः श्रीधर पौडेल र कविन अधिकारी/अनलाइनखबर  

Source: Onlinekhabar