महाकालीमा पानीको मात्रा बढ्दा स्थानिय बासिन्दा त्रसित, सर्तक रहन प्रशासनको आग्रह

दार्चुला, ११ असार 

फाईल फोटो

२ बर्ष अगाडि बर्षायाम सुरु हुने बेलामा महाकाली नदिमा आएको बिशाल बाढीले दार्चुलाको सदरमुकाम खलगांलाई तहस नहस बनाएपछि त्रसित स्थानिय बासिन्दालाई फेरी आज महाकाली नदिमा बढीरहेको पानीको बहावले पुनः त्रसित बनाएको छ । दुई दिनदेखिको अबिरल बर्षाका कारण नदिमा पानीको सतह बढेपछि स्थानिय बासिन्दा त्रसित बनेका छन् भने प्रशासनले सर्तक रहन आवहवान गरेको छ ।

अहिले सम्म बढेको पानीको बहावका कारण ३ घर बगाईएको भनेपनि ति घरहरु अघिल्लो पटक आएको बाढीले क्षत बिक्षत बनेपछि बस्न नमिल्ने भएको स्थानिय बासिन्दा नरेश भट्टले जानकारी दिए । तर नदि छेउ घर भएका बासिन्दाहरु भने सामान ओसार पसार गरेर माथि सुरक्षित ठाउँतिर लागिरहेको जानकारी दिए ।

त्यसैगरी प्रसासनले दार्चुला लगायत महाकाली किनाराका सम्पूर्ण बस्तिहरुलाई सर्तक रहन आवहवान गरेको छ । कञ्चनपुरको गड्डाचौकी नाकामा आवत जावत गर्न बन्देज लगाईएको त्यहाँका स्थानिय बासिन्दा थानेश्वर लेखकले बताए । महाकाली नदिको बहाव १ लाख ६० हजार क्युसेक पुगेको बताईएको छ ।

कैलालीमा पनि अबिरल बर्षाका कारण सर्तक रहन प्रशासनले आग्रह गरेको छ । त्यसैगरी दैबिप्रकोप उद्धार सेललाई तयारी अवस्थामा राखिएको पनि जनाईएको छ ।

Source: Setoparewa