फेसबुकमा रंगिन प्रोफाइल बनाउने चलेको लहड र तेस्को रहस्य

हिजोआज फेसबुकमा आफ्नो प्रोफाइललाई इन्द्रेणी आकारको रंगिन बनाउने प्रचलन आएकोछ । फेसबुकले दिएको सुबिधाको प्रयोगद्वारा सजिलै आफ्नो तस्वीरलाई रंगीन बनाउन सकिन्छ । तर कतिपयलाई थाहा नहुन पनि सक्छ कि यसरी रंगीन प्रोफाइल फोटो बनाउनुको पछाडि केही रहस्य छ भनेर । वास्तवमा यो एउटा बिशेष उत्सव स्वरूप अमेरिकामा मनाइएको खुशियालीको प्रतीक हो।
अमेरिकी सर्वोच्च अदालतले गत शुक्रबारका दिन एउटा ऐतिहासिक निर्णय गरेको थियो जुन निर्णय हो समलिंग्गी विवाहलाई मुलुकभर कानूनी मान्यता प्रदान गर्नु । समलिंगीहरुको निकै चासोको बिषय रहेको उक्त बिषयमा अदालतका ९ जना न्यायधीसमध्य ५ जना पक्षमा र ४ जना बिपक्ष्य्मा रहेका थिए, जसअनुसार समलिंगी विवाहलाई त्यहाँको ५० राज्य सबैले पालना गर्नुपर्नेछ राष्ट्रपति बाराक ओबामाले पनि यसलाई विजयको रुपमा लिएकाछन् । यस विजयको खुशियाली मनाउँदै ह्वाइट हाउसमा इन्द्रेणी रंगको प्रकाश बालिएको थियो । यस रंगलाई समलिंगी अधिकारको लागि आन्दोलनको रुपमा लिइएको पाइन्छ ।
अदालतको उक्त निर्नायपछि अमेरिका समलिंगी विवाहलाई मान्यता दिने २१ औं मुलुक हुन् पुगेकोछ । यो मुद्दा १४ जना समलिंगी दम्पति तथा ओबर्गेललगायत दुर्इ विधवाले मिसिगन, केन्टकी, ओहायो तथा टेनिसिविरुद्द हालेका थिए । यी चारै राज्यले आफूले संविधानलाई सम्मान गरे तापनि विवाह पुरुष र महिलाबीचको मेल भएको अडान राखेका थिए । अदालतले आफ्नो निर्णयमा भनेकोछ, संविधानको १४ ओं ससोधन अनुसार राज्यलाई समान लिंग भएका दुर्इ व्यक्तिलाई विवाह गर्न अनुमति तथा राज्यबाहिर त्यस प्रकारको विवाह गर्ने व्यक्तिलाई स्वीकार्नु पर्ने ब्यबस्थासमेत गरेकोछ । अदालतको उक्त निर्णयको बिरोध पनि भएकोछ, प्राकृतिक कानूनलाई अदालतले उल्टाउन नसक्ने भन्दै परम्परावादी फेमिली रिसर्च काउन्सिलले असन्तुष्टि ब्यक्त गरेकोछ । त्यस्तैगरी अमेरिकी क्याथोलिक विसफरुको सम्मेलनले पनि उक्त निर्णयलाई एउटा ठूलो दु:खद गल्तीको रुपमा लिएकाछन् ।