अन्तराष्ट्रिय नेपाली कलाकार समाज यू.ए.ई. फुजैराह क्षेत्रिय समितिको बनभोज कार्यक्रम भब्यताका सम्पन्न

मान बहादुर के.शी. ‘मुस्कान’

यू.ए.ई.

       बैदेशिक रोजगारीको शिलशिलामा फुजैराहमा कार्यरत नेपालीहरुलाई एकत्रित गरी मिति २४ जुलाई २०१५ शुक्रबारका दिन फुजैराह स्थित माधव पार्कमा, अन्तराष्ट्रिय नेपाली कलाकार समाज यू.ए.ई. फुजैराह क्षेत्रिय समिति र गैरआवासीय नेपाली संघ एनआरएन फुजैराह क्षेत्रिय समितीको सयुक्त आयोजनामा बनभोज कार्यक्रम भब्यताका सम्पन्न भएको छ ।

कार्यक्रम संस्थाका अध्यक्ष बिष्णु अधिकारीको सभापतित्वमा अघाडि बढेको थियो, भने कार्यक्रममा अ.ने.क.स. यूएई कि केन्द्रिय उपाध्यक्ष रेखा घिमिरे र केन्द्रिय महासचिब गोपी कृष्ण पंगेनी प्रमुख अतिथी तथा गैरआवासीय नेपाली संघ एनआरएन फुजैराह क्षेत्रिय समितीका अध्यक्ष कृष्ण गिरी बिशेष अतिथी रहनु भएको थियो । 

        अन्तराष्ट्रिय नेपाली कलाकार समाज यू.ए.ई. फुजैराह क्षेत्रिय समिति र गैरआवासीय नेपाली संघ एनआरएन फुजैराह क्षेत्रिय समितीको सयुक्त आयोजनामा सम्पन्न उक्त बनभोज कार्यक्रममा अ.ने.क.स. दुबइ क्षेत्रिय समिती र रास-अल खेमा अ.ने.क.स. क्षेत्रिय समितिका प्रतिनिधिहरु लगायत यूएई मा कार्यरत बिभिन्न नेपाली समाजका समाजसेवी, बुद्दीजिबी, कलाकार, र साहित्यकारहरुको बाक्लो उपस्थिती रहेको थियो । 

            कार्यक्रममा संस्थाका सचिब तथा स्थानीय कलाकार अम्मर सुनार 'संगीत'को टीम र ओम कुमारी खाणको टीम बिच भएको घम्सा घम्सी लोक-दोहोरी र संस्थाका उपाध्यक्ष शिव क्षेत्रीले गरेको नृत्य देखेर उपस्थित सबै त्यसै चुप लागेर बस्न सकेनन्, कोहि मादल बजाउदै थिए, कोहि ताली पिट्दै थिए, कोहि सिटि बजाउदै आ-आफ्नो मोबाईलमा तस्बिर र भिडियोहरु खिच्दै रमाईलो गर्दै थिए, कोहि बिचमा कम्मर भाचेर छमछमी नाच्दै एक अर्कालाई नचाउदै थिए, प्रबाशमा कामको ब्यस्तता र जुलाई महिनाको टन्टलापुर गर्मिमा पनि कार्यक्रमको माहोल देखेर लाग्थ्यो त्यहा गर्मी जस्तो केही महशुश नै भएको थिएन, त्यस्तै सुदूरपश्चिम र मध्यपश्चिमको सांस्कृतिक देउडाको जगेर्ना गर्नु लागि परेका देउडा गायक तथा संस्थाका महासचिब मान बहादुर के.शी. 'मुस्कान'ले छोटो देउडा गीत गाएर उपस्थित सबैलाई ध्यान आकर्षित गराउदै बेग्लै अनुभब गराएका थिए । उपस्थित सबै बनभोजको अवसर पारेर यसरी भेटघाट र नाचगान गर्न पाउँदा निकै खुशी देखिएका थिए । 

         कार्यक्रममा बोल्दै संस्थाका अध्यक्ष बिष्णु अधिकारीले केहि बर्ष पहिले फुजैराहमा नेपालीहरु छैनन् जस्तो लाग्थ्यो, तर एक बर्ष पहिले गठन भएका अनेकस र एनआरएन क्षेत्रिय समितिले गरेका उल्लेख्निय सामाजिक गतिबिधीहरुले गर्दा फुजैराहमा कार्यरत सम्पूर्ण नेपालीहरु हातेमालो गर्दै अघाडि बढेकामा खुशी ब्यक्त गर्नु भएको थियो । भने कार्यक्रम सफल पार्नु अनेकस र एनआरएनका प्रतिनिधि सँगै सिजी होटेलमा कार्यरत शंकर महर्जनको खाना बनाउने भान्से टीम तथा शेर सुनार, सागर लुइँटेल, बिरेन्द्र खड्का, कुल के सी, वचन राई, लगायत जो जसले सहयोग गर्नु भयो साथै कामका ब्यस्तताका कारण आफ्नो समय निकालेर कार्यक्रमको गरिमा बढाउनु उपस्थित सबैलाई आभार प्रकट गर्दै यहि जुलाई ३१ गते हुने एनआरएन को अधिबेशन र आउँदै गरेको ११ सेप्टेम्बरमा हुने तीज बिशेष सांस्कृतिक कार्यक्रमलाई पनि भब्यताका साथ सफल पारी दिनु हुन अनुरोध गर्दै फुजैराह स्थित सबै नेपाली संघ संस्थाहरु एकजुट भएर काम गर्नु पर्ने कुरामा जोड दिनु भएको थियो ।

           सोही अबशरमा एनआरएन फुजैराह क्षेत्रिय समितीका अध्यक्ष कृष्ण गिरीले फुजैराहमा बनभोज कार्यक्रम सफल पार्न सहयोग गर्ने सबै धन्यबादको पात्र भएको बताउँदै फुजैराहको इतिहासमा यस्तो बृहत कार्यक्रम पहिलो बताउनु भयो, भने आउने दिनहरुमा पनि फुजैराहमा कार्यरत सम्पूर्ण नेपाली यसरी नै एकजुट भएर अघाडि बढ्ने बिश्वाश ब्यक्त गर्नु भयो । गिरिले ३१ जुलाईमा हुने एनआरएन को अधिबेशन र ११ सेप्टेम्बरमा हुने तीज बिशेष सांस्कृतिक कार्यक्रमलाई पनि भब्यताका साथ सफल पार्नु आग्रह गर्नु भयो ।