अनाथ बालबालिका आरती सहयोग

महेन्द्रनगर,५ जेठ
लन्डनमा बस्दै आएका गणेश पाण्डेयले अनाथ बालबालिकालाई सहयोग गरेका छन् । 
आमाबुवा बेपत्ता भएपछि अप्ठ्यारोमा परेका कञ्चनपुरको भीमदत्त नगरपालिका–११ ओदालीका आरती लुहार र उनका भाइहरुलाई सहयोग गरेका हुन । धनगढी घर भइ लन्डनबाट सुन्दरसुदूरपश्चिम डट ओआरजी (www.sundarsudurpaschim.org) अनलाइन सचालइरहेका गणेशले हरिश सिन्हा मार्फत सहयोग गरेका हुन । पश्चिम नेपाल दैनिकले प्रकाशन गरेको समाचार पढेर सहयोग गरेका हनु ।
शनिबार हरिशले आरतीको घरमै पुगेर भाडाकुँडा, कापी, कलम प्रदान गरेका छन् । बिहान बेलुका खानेकुरा पकाउन समेत भाँडाकुडा थिएनन् । ‘अब खाना पकाउन सजिलो हुन्छ’ भाडाकुँडा पाएपछि आरतीले भनिन् । उनका लागि लन्डनमा सहयोग संकलन गरिरहेको र संकलित रकम केही दिनमा पठाउने गणेशले जानकारी दिएका छन् । उनले आफ्नो  अनलाइनमा नै आरतीका बारेमा जानकारी राखेर सहयोग संकलन गरिरहेका छन् ।

(source:paschimnepal.com)

www.sundarsudurpaschim.org का प्रतिनिधि हरिश सिन्हा द्वारा आरती र उनका परिवार को सहयोग को लागि खाना पकाउने भाडाकुडा र आधयन को लागि कापी कलम प्रदान