दोदोधरा चाँदनी पुल हल्लियो, स्थानीयवासी चिन्तित

कञ्चनपुरको दोधारा–चाँदनी गाविसलाई जोड्ने एशियाकै दोस्रो लामो झोलुङ्गे पुल मर्मतसम्भार नहुँदा जीर्ण बन्दै गएको छ । महाकाली पारीका यि दुई गाविसलाई सदरमुकाम महेन्द्रनगरसित जोड्न झोलुङ्गे पुल निर्माण गरिएको हो । झण्डै डेढ किलोमिटर लामो झोलुङ्गे पुल बनेपछि दोधारा र चाँदनी गाविसका वासिन्दा जिल्लाका अन्य भुभागमा सजिलै संग आउ–जाउ गर्न सक्ने भएका छन् । पैदल हिँड्न बनाइएको यो पुल भएर दैनिक सयौं मोटर साइकल कुदाउने गरिएको छ । अहिले उक्त पुल भारतवाट अवैध रुपमा माल सामान ढुवानी गर्ने मुख्य माद्यम बनेको छ । सयौं क्विन्टल गहुरुङ्गो सामान दैनिक ढुवानी गर्दा झोलुङ्गे पुल दिनप्रति दिन कमजोर बन्दै गएको छ । समयमै मर्मतसम्भार नगरिए चाँडै नै पुल ‘हल्लिदै’ महाकाली नदीमा बग्ने निश्चत छ ।