संविधानसभामा एक ‘डोज’ खैनी बाँड्दै माननीय सभासद ! (फोटो फिचर)

२४ फागुन, काठमाडौं । संविधानसभा एवं व्यवस्थापिका संसदलाई अत्यन्तै मर्यादित स्थल मानिन्छ । तर, नेपालीको संविधानसभामा सभासदहरुलाई खैनी माड्ने वा निदाउनेसम्मको छुट छ भन्ने कुरा तस्वीरले आफैं बोलेको छ, कुनै अर्को प्रमाणै दिनुपर्दैन ।

सभासदहरु अनुपस्थित भएर व्यवस्थापिका संसदको बैठकमा कोरम नपुगेको समाचार आइसकेको छ । तर, खाली रहेका कुर्सीका छेऊछाऊ फाट्टफुट्ट देखिने सभासदहरुको पनि चाला हेर्दा गैरजिम्मेवारी कतिसम्म छ भन्ने स्पष्ट हुन्छ ।

तस्वीरमा हेर्दा छर्लङ्ग हुन्छ, कोही सभासदहरु संसदभवनभित्रै मोबाइल खेलाइरहेको छन् । कोही एक्लै बसेर फोनमा गफिइरहेका छन् र कोही निदाइरहेका छन् । कोहीचाँहि गर्ल फ्रेन्ड र ब्याइफ्रेन्ड पार्कमा नारिएजसरी कुँडुलो परेर आपसमा गफिइरहेका छन् । कोही चौतारामा जसरी गफ चुटिरहेका छन् । कुर्सीहरु खाली छन् । खाली कुर्सीका पीचमा एकजना सभासद कुक्रुक्क परेर बसिरहेको दृश्य देखिन्छ ।

संविधानसभा एवं व्यवस्थापिका संसदका केही बैठकहरुमा खिचिएका केही दृश्य यस्ता छन् : 

     

 तस्वीरः अशोक दुलाल

- Source: Onlinekhabar