हलियाबाट अनमी

 

गोकर्ण दयाल

 

बैतडी, असाेज २२ । निर्मला भुल बैतडीको दुर्गम ठाउँ कोटिला गाविसको उप–स्वास्थ्य चौकीमा अनमीको पदमा करारमा काम गर्न थालेकी छिन् । उनी बैतडी दशरथ चन्द नगरपालिकाको बाडीलेकको मुक्त हलिया परिवारकी हुन् । 

 

उनले एसएलसी जसोतसो पास गरिन् । त्यसपछि उनी नर्सिङ पढेर स्टाफ नर्स वा अनमी हुन चाहन्थिन । “तर हलियाकी छोरीले नर्सिङ पढ्न रहर गरेको सुन्दा सबैले मेरो कुरा मजाकमा उडाउँथे,” उनले भनिन् । 

 

हलिया मुक्ति समाज महासंघको पहलमा लुथरन विश्व फेडरेशनले अनमी पढ्न उनलाई सहयोग ग-यो । 

उनले सेती प्राविधिक शिक्षालय दिपायलबाट अनमी पढाइ सकेकी हुन् । 

 

.बैतडीको दुर्गम कोटिला उप–स्वास्थ्य चौकीमा करारमा अनमीको काम गर्दै मुक्त हलिया परिवारकी निर्मला भुल ।

तस्विर : गोकर्ण दयाल

Source:Sancharikaonline