Friday, July 17, 2015

आर्थोस्कोप मेसिनबाट सेती अञ्चल अस्पतालमा शल्यक्रिया

7:18 PM    No comments

आर्थोस्कोप मेसिनबाट पहिलो पटक शल्यक्रिया सम्पन्न, घुँडा तथा जोर्नीको समस्या भएका बिरामीहरु लाभान्वित हुने

सेती अञ्चल अस्पतालमा आर्थोस्कोप मेसिनबाट पहिलो पटक शल्यक्रिया गरिएको छ । काठमाण्डौंपछि पहिलो पटक उपत्यका बाहिर आर्थोस्कोप मेसिनबाट सेती अञ्चल अस्पतालमा शल्यक्रिया गरिएको हो । 
सेती अञ्चल अस्पतालका नशा तथा हाडजोर्नी बिशेषज्ञ डा.प्रमोद जोशीको नेतृत्वको टोलीले आईतवार ५० वर्षिया जुगनीदेवी चौधरीको घुँडाको शल्यक्रिया गरेको हो । एनेस्थेशियोलोजिष्ट डा. सन्तोष खनाल, एनेस्थेशिस सहायक नियम न्यूरे, नर्सिङ स्टाफ गीता आले लगायतको टीम शल्यक्रियामा संलग्न थियो । 
डा. जोशीले विदेशतिर आर्थोस्कोप मेसिनबाट शल्यक्रियाको काम हुने भएपनि नेपालको काठमाण्डौं उपत्यका बाहिर पहिलो पटक आर्थोस्कोपबाट शल्यक्रिया गरिएको बताउँनुभयो । उहाँले घुडा तथा जोर्नीको समस्या भएका बिरामीहरुले उपचारका लागि अव बाहिर जानु नपर्ने बताउँनुभयो । 
सेती अञ्चल अस्पतालका मेडिकल सुपरीटेण्डेट डा. गणेशबहादुर सिंहले आर्थोस्कोप मेसिन बहुउपयोगी भएको बताउँदै मेशिनमा केहि कुरा थप गर्न सके चिरफार नगरेरै पत्थरी, पेट सम्बन्धि अन्य शल्यक्रिया सजिलै गर्न सकिने बताउँनुभयो । 
आर्थोस्कोपको सहयोगमा जोर्नी भित्रको फोहोर सफा गर्ने, जोर्नी भित्रको रोग पत्ता लगाउने र उपचार गर्ने, घुडाको लिगामेण्टको उपचार, बाथ रोगको शल्यक्रिया सेती अञ्चल अस्पतालमै संभव भएको छ । सरकारले आर्थोस्कोप मेशिन सेती अञ्चल अस्पताल र बिराटनगर अस्पताललाई उपलब्ध गराएको हो । यसको मूल्य करिब ७० लाख रुपैया पर्ने अस्पतालले जनाएको छ । 
Source: News24

0 comments:

Post a Comment

यहाँहरूको खबर समयमै पुर्याउने हाम्रो जमर्को । ताजा खबरहरू, सुचनाहरू तथा साहित्यिक रचनाहरूका लागि । अनि यहाँहरूको वरपरका घटना तथा सूचनाहरूलार्इ www.sundarsudurpaschim.org सम्म पुर्याउन ganeshpandey@sundarsudurpaschim.org प्रयोग गर्न सक्नुहुनेछ ।